我終於都坐言起行，開左個Yahoo Blog喇！我要放棄Xanga喇．．陪左我四年多既Xanga會轉去Yahoo Blog架喇。由中學時代既畫板，轉為Ive時代既Xanga．．到而家．．舊既唔去，新既點黎丫。

畫板：http://www.hkflash.com/gb/gb.asp?id=wrace

Xanga：http://www.xanga.com/wrace

Yahoo Blog：http://hk.myblog.yahoo.com/wrace-tsoi

　　飯　後　感　。。

　　琴日同左幾位讀書時識既朋友晚餐，成個過程都好快樂，有講有笑。突然間覺得，雖然大家好多野都唔同晒，但。。感覺竟然冇改變過。大家依舊係用讀書時既態度去對待大家，低能既繼續低能，攪事既繼續攪事。終於明白點解係媽媽眼中，就算幾大個，佢都依然覺得你係小朋友。就好似我對伊班朋友咁，就算幾多歲，我都會以當時既我去對待佢地。哈哈。。果時既我地唔大唔細，唔幼稚亦唔成熟，大家真係識得太合時喇。

　　死亡　．．．

　　這陣子，我察覺到地球的變化大了。首先是接二連三的出現地震、繼而有迷你冰河期、再有火山爆發等等。愈來愈覺得世界末日是絕對會發生的災難，但深信在我有生之年卻未來得及發生。對於災民，我自問自己愛心有限，絕不會到災區做義工，只會捐出極少的金錢，當作做點善事。青海地震，一名男子為了回到學校營救學生及老師而犧牲自己的性命，這麼偉大的人，卻死去了。新聞剛報告他的遺體正送往紅磡的賓儀館．．一聽到紅磡的賓儀館，我就又驚又怕了。對於死亡，我學不懂接受．．

　　沒有上班的日子。。

　　雖然無返工個半月，但真係唔會覺得悶。日日起身聽電台，之後就上網。有D朋友平日唔洗返工，又可以約出去唱下Ｋ同食個飯。有時阿哥同佢女朋友放假，我又可以跟埋出去玩。仲有就當然係等男朋友放工陪我去食個Dinner啦！聽落都幾充實同快樂丫。不過，其實我已經搵到工喇．．仲返左１日咁大把添。希望快快跟到晒D野啦～

3.16.2010：又同男朋友去九龍城食野lu～
食左清真牛肉餅、同心泰國菜、順興炸蛋球同埋皇室甜品。
個炸蛋球，雖然又油又唔脆，但蛋味重，我諗新鮮炸出黎會幾好吃的。

3.20.2010：去左阿佳間新屋，比想像中靚。
食左好多佢同佢準老婆親手整既野食，手勢都幾好架！
覺得要組織１個家庭，真係唔容易。我都係想玩多幾年先．．

3.26.2010：睇Eason's concert！
唔太好睇，等我地仲買左最貴既飛添。

3.27.2010：去左梅窩既天燈及水燈節。
傑都join埋我地．．兩條友仔係咁影相，好鬼悶！

4.1.2010：放工同男朋友去黃大仙利豐Dinner～ 好味呀！
不過得兩個人仔，試得好少餸咋。

某日無聊，試下整粉皮。
不過唔好食．．都係出街食好過！

　　悠　長　假　期　．．．

　　離開左Sears，絕對係正確既決定，就算今時今日仲未搵到工，我都唔會覺得後悔。係伊３個星期入面，如果無咩特別事要做既話，起身多數都係聽「早霸王」。不知不覺，已經習慣左咁悠閒既生活喇！好enjoy呢～如果阿媽有時講少句野會更好。

　　星期六，陪男友去九龍城睇中醫。最終醫生就睇唔到，野就反而食得到，哈哈．．試左清真牛肉館既牛肉餅，真係唔敢想像１舊咁既野可以容納到咁多汁！之後行行下見到順興茶餐廳，就試埋佢個炸蛋球，都唔脆既，仲鬼咁油膩添，失望。再去最後１個目的地－－中民冰室，佢既炒粉真係又大碟又平，味道都唔錯。果到既麻雀好鬼肥，好得意！仲有．．間野有隻唔捉老鼠既貓，最衰無錄到片，個經過好好笑架！A nice day～